Parlamentario Dellanire Maduro ta separa di POR y declara su mes independiente

ORANJESTAD – Parlamentario Dellanire Maduro a bira parlmentario independiente. Asina el a informa diamars como consecuencia di e desaroyo negativo den e partido cu e ta(bata) forma parti di dje esta POR. Den un comunicado, Maduro ta bisa di a wordo sorprendi cu un noticia den prensa cu Ministerio Publico a emiti un publicacion pa prensa den cual ta menciona cu tin un investigacion contra Fraccion di POR, sospechoso den un investigacion na malversacion di fondo. “ Parlamentario Maduro ta distancia su mes di POR di immediato y lo ta independiente den parlamento” e parlamentario a bisa. 

Maduro tambe ta trese dilanti cu e no ta parti di e Fundacion di POR, ni tin autorisacion riba cuenta di banco di e Fundacion. Maduro a informa cu e ta bay sigi traha pa pueblo di Aruba.