Dos persona deteni den caso violacion agente policial femenino

ORANJESTAD – Polis a detene dos hoben awe relaciona cu e caso di violacion di un agente policial femenino. E caso mes a tuma lugar na december di aña pasa, y awor tin suficiente informacion y prueba cu a pasa pa detencion di dos sospechoso. Ta trata di dos persona conoci den mundo di deporte di futbol esta L.Croes 20 aña biba na Rooi Taki y M.Dabian di 21 aña di Santa Cruz. E caso mes ta trata di un violacion riba un anochi den december, despues cu e dama y algun persona lo a sali riba e anochi ey. Cos no a caba bon pa e dama y despues di e supuesto caso di violacion, a laga e victima tira den un hanchi na Eagle, na Engelandstraat. E motibo cu a dura hopi pa e detencion, ta cu mester a haci varios prueba digital y cientifico. Ora cu e resultadonan a bolbe for di e.o. Hulanda y esaki tabata positivo, tabata suficiente pa convence hues comisario pa duna orden di aresto.