Cuanto tempo ta dura prome cu e vacuna Pfizer cuminsa traha den bo curpa?

ORANJESTAD – Hopi hende cu a haya e vacuna contra Covid19, ta kere cu ora cu nan cana bay, nan curpa ta cla pa bringa e virus. Esey sinembargo no ta corecto segun Pfizer. Nan ta conciente cu mirando cu nan tin cu haya un vacuna mas, e no ta completo y cu nan ta parcialmente cubri. Pero mientras cu esey ta berdad, e ta parcialmente berdad. E realidad ta cu entre e dia cu bo tuma bo prome vacuna y e di dos, y pa bo curpa ta completamente cla pa protehabo, ta dura 5 siman. 

E PROCESO

Segun informacion cu e portal aki tin di Pfizer, ora cu bo caba haya bo prome dosis di e vacuna Pfizer, ta tarda 10 dia pa e cuminsa funciona den bo curpa. E ora bo ta protehi pa 52%. Ora cu bo haya e di dos dosis, ta dura 14 dia prome cu e vacuna ey ta cla den bo curpa y e ora bo ta protehi pa 95%. Pues, conta 5 siman despues di a ricibi bo prome vacuna Pfizer, cu bo lo ta 'completamente' vacuna (95%) y cu e ta 'operacional' den bo curpa. ABO ta protehi e ora, pero ainda bo por pega otro cu NO tin e vacuna,.. Bo 'por' haya e virus, pero hopi hopi leve.. .. Informa bo mes, y vacuna!