StudyChoiceCaribbean cu dianan di informacion di estudio pa alumnonan di Caribe Hulandes

ORANJESTAD - Despues cu tabatin un promé secion digital pa alumnonan di HAVO, VWO en SBO/MBO-4 riba dialuna 9 y djárason 11 di novèmber 2020, StudyChoiceCaribbean a tene un secion mas riba dialuna 8 y diarason 10 di maart, special pa alumnonan cu kier sigui cu nan estudio riba nivel profecional intermedio. 

Tabata tin 35 presentacion di scolnan di MBO/SBO/EPI/NIPA y varios organisacion cu ta duna estudionan y entrenamento interno, manera e.o. Polis, Kustwacht, cuerpo di Bombero, Hospital. E enfoke tabata riba e posibilidadnan pa sigui un estudio profesional riba un di e seis islanan di caribe Hulandes. 

Mas o menos 300 alumno di Aruba, Boneiro, Curaçao, Saba, Sint Eustatius y Sint Maarten a sigui e presentacionnan interactivo di 45 minuutt y na final di cada presentacion a hasi nan preguntanan directamente na e scol of organisacion cu tabata presentando.

Mientrastanto tur presentacion ta accesibel riba e website www.studychoicecaribbean.com Asina ta duna scolnan e oportunidad di (bolbe) wak e presentacionnan den e klasnan, pero alumnonan por wak nan cu nan mayornan tambe. 

Despues di e dos seccionnan, di november 2020 y maart 2021, na tur tin 45 ora di video riba e website, parti den 90 presentacion. Casi 750 alumno a participá na e evento. 

E intencion ta pa ripiti e evento aki tur aña. Bishita e website: https://studychoicecaribbean.com/