Aruba ta raporta 1 morto mas y 35 caso positivo pa Covid19

ORANJESTAD - Segun resumen di awe a registra un total di 35 caso nobo di Covid-19, di cual 3 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 561 test. 'Postivity rate' entre nos residentenan ta 28% y 50 persona a recupera.

ACTIVO Y MORTO

Casonan activo pa awe ta 604, cantidad di fayecido relaciona cu Covid-19 a bira 83. Oficialmente DVG lo raporta esaki den nan conteo pa mayan, ya cu nan a ricibi e informacion despues di tempo. Como tal nan conteo oficial ta keda 82, pero e cifra real ta 83. 

HOSPITAL

Hospital ta informa cu tin un total di 46 persona interna di cual 12 ta den Cuido Intensivo y 34 riba unidad general di covid.