DVG: A cuminsa vacuna polisnan como first responders

ORANJESTAD - Diabierna anochi pa mas o menos 7:20 central di polis  ta wordo notifica di un accidente basta fuerte entre un Van blanco numera A-9947 y un brommer na e crusada LG Smith blvd y Adrian Lacle Blvd. Patruya cu a jega na e sitio di e sucedido a pidi ambulance cu maximo urgencia. Lamentablemente personal di ambulance no por a haci nada pa cu e joven. Pa 8:05 dr Texier ta constata morto di Kiven Michael DANIA, naci na Aruba , 5  januari 2000. Specialista di trafico a jega na e sitio, tambe BFTO, slachtofferhulp. Noticiacla ta manda palabra di forza pa famia di e fayecido. 

ORANJESTAD - Diabierna mardrrga  Recherche di Oranjestad a haci un entrada hudicial na un cas na Turibana y a detene e homber di nacionalidad Venezolano di inicialnan Y.E.M.F. Di 32 aña pa menasa. Na e cas tambe a confisca dos pistool y dos rifle di “airsoft”. Pa Cuerpo Policial por resolve mas caso cooperacion di pueblo di Aruba ta hopi importante pesey ta pidi si bo tin cualkier informacion yama tiplijn di tiplijn 11141.

SAN NICOLAS - Awe diabierna madruga recherche di San Nicolas a haci un entrada hudicial na un apartamento na Olijfistraat. Esaki en conexion cu e asesinato cu a tuma lugar na Brazil. Ta trata di e homber P.A.B. naci na Aruba di 22 aña.

ORANJESTAD - Diabierna madruga Atracoteam a haci un entrada hudicial na un na cas na Tanki Leendert y un na Bakval. A detene e homber di nacionalidad hulandes J.M.R. 24 aña. na e cas Bakval .Pa Cuerpo Policial por resolve mas caso cooperacion di pueblo di Aruba ta hopi importante pesey ta pidi si bo tin cualkier informacion jama tiplijn di tiplijn 11141.

SHABA – Departamento di Recherche na Shaba diahuebs mainta a bay den accion debi cu nan situacion di trabou ta deplorable y no ta hayando atencion. Asina presidente di e sindicato di polis SPA, Joselito Dirkz a bisa. E problema ta tardansa pa haya material pa por haci nan trabou drechi, y ta papia aki di 4 aña di espera. A splica cu recherche tin cu para den rij pa por traha riba computer y cu e situacion di trabou no ta esun miho. A pidi atencion di minister di husticia Andin Bikker, ya cu sr Errol Zebeda encarga cu e parti aki, segun Dirkz, lo no ta hacienda su trabou drechi y no ta ehecutando maneho di e minister. A dicidi como tal, pa pone trabou abou pa algun ora. Potret ta di archivo di un accion di 2019 na warda di Santa Cruz, ora recherche di Playa a bay den accion.

SANTO DI PATIA – E siman aki a start e vacunacion di e presonan na KIA. Director di e instituto a confirma esaki tambe. Ademas di cliente tambe a vacuna algun empleado cu no a ricibi nan vacuna ainda. Directie a encurasha tur cliente y empleado pa hasi uso di e oportunidad aki pa asina nan por logra 85% di nos poblacion vacuna.