RMR a aproba pa Aruba haya 237 miyon pa sosten di likidez pa di dos cuartal di 2021

DEN HAAG – Conseho di Minister di Reino (RMR) a aproba e suma di 237 miyon pa sosten di likidez pa e di 2 cuartal di 2021, cu ta e 5 tranche di placa. Esaki pasobra Aruba a cumpli cu e condicionan stipula anteriormente. Asina secretario di estado Hulandes Raymond Knops a informa Tweede Kamer den un carta diabierna (awe). Di e necesidad di likidez pa e di dos cuartal, 9.8 euro ta bay pa paga schatkistpromessen(cu a wordo emiti cuminsamento di aña).

Como condicion pa obtene e di 5 tranche, Aruba no mag di fia placa riba termino corto (cu termino di pago di 3 luna pa 1 aña) mas, pa cubri su cashflow y e mester acorda e di dos agenda di ehecucion cu lo wordo presenta dentro di poco. Cu esaki RMR ta honra e peticion di Aruba pa duna 20 miyon florin via e sosten di likides pa por cubri e fiansa anterior haci (schatkispromessen). 

Corsou no tabata necesario pa haya mas placa pasobra ainda nan tin, y St Maarten no a haya pasobra tin un impasse politico aworaki. Lesa e documento completo AKI.