Bapor gigante di container ainda tin canal di Suez blokea

SINAI – Despues di tres dia, un bapor di container ainda tin e canal di Suez blokea, costando e mundo di comercio miyones cada ora. E blokeo ta creando un problema logistico increibel, y ta premira cu esaki por dura un rato prome cu resolve esaki. E problema ta cu e canal ta un di e pasianan mas importante mundialmente pa transporte comercial maritimo.  E canal cu ta entre Africa y e archipielago Siania, ta esencial pa comercio internacional. E ta conecta laman mediteraneo y ‘laman cora’, y ta un caminda maritime importante pa bapornan cu ta navega di Asia pa Europa y visa versa. E ta scapa hopi tempo y placa, pasobra si mester navega rond di Africa, esaki ta crea 5000 kilometer extra. Un 12 % di comercio mundial ta pasa via e canal di Suez. Pa aña 20 mil bapor ta pasa den e canal.

KICO A PASA

Tabata e bapor gigante di container Ever Given cu a pega debi na un tormenta di santo y biento duro. E tabata na caminda di China pa Hulanda cu 20 mil container. E bapor di 400 meter largo, ta ubica dwars den e canakl, cu ta pone cu e ta blokea pasada di tur otro bapor. E canal, na e parti ey ta 300 meter hancho ‘so’. Pues ningun otro bapor no por pasa.