Un di tres aanwijzing na caminda pa St Maarten

DEN HAAG – Tin un di tres aanwijzing na caminda pa isla di St Maarten. Esaki conseho di minister di Reino a bisa awe, despues di a tuma nota di e situacion di integridad di e isla. E contenido di varios raportahe riba e problema di integridad y e combersacionnan cu a tuma lugar ultimo lunanan, no ta duna conseho di minister di reino e confiansa cu e isla por resolve e problema. E no tin e capacidad financiero, humano y e sentido di urgencia cu e tin cu trata esaki cune. Minister Ronald Plasterk a informa Tweede Kamer pa medio di un carta, di e decision di conseho di minister di Reino awe. (Lesa e carta aki)

Mirando e seriedad di e situacion, gobierno di Reino ta wak e necesidad pa duna contenido na su responsabilidad pa un gobierno corecto den Reino. Como tal a cuminsa e proceso pa duna e isla un Algemene Maatregel van Rijksbestuur pa por garantisa cu e isla ta cumpli cu e asunto di integridad. E concepto di e medida aki lo wordo presenta na St Maarten, cu por duna su comentario ariba. Despues di e consulta aki, e conseho di minister di Reino lo tuma su decision final dia 6 di maart proximo.