Aruba ta hunga wega di clasificacion pa mundial di futbol diasabra awor

Aruba ta hunga wega di clasificacion pa mundial di futbol diasabra awor

Posted on 03/25/2021 11:43 am AST | Updated on 03/25/2021 11:44 am AST

ORANJESTAD – Diasabra awor Aruba ta topa Surnam na Merca, pa clasificacion di Mundial di Futbol Qatar 2022.  Recientemente Arubaanse Voetbal Bond (AVB) a confirma su participacion den e weganan eliminatorio di Campeonato Mundial di Futbol Qatar 2022, cu ta tuma luga na Tampa, USA. A prepara un ekipo nacional, cu e mihonan di nos isla den futbol. 

Lamentablemente, net prome cu biaha pa Merca pa enfrenta Surnam, a presenta e realidad cu 2 hungado a test positivo pa Covid-19. 

Consecuentemente, a haci test cu tur otro hungado, pa garantisa cu tur otro ta test negativo pa por biaha. Hunto cu DVG a sigura cu tur hungado a haci test pa por biaha sin problema y representa cara di Aruba internacionalmente. Tur otro hungado, den e seleccion nacional, a test caba y tur ta negativo. 

Mester menciona cu e entrenado a percura pa simannan largo di training intensivo. Meta tabata pa alcansa un nivel di calidad di hungadonan, pa por enfrenta Surnam. E schedule di entrenamiento a bay segun reglanan estricto di DVG. 

Mester menciona cu e medidanan di prevencion pa evita plamamento di e virus na Aruba a compromete e programa di entrenamiento bastante, pero asina mes e hungadonan a duna tur di nan banda pa sigui entrena, pa por ta den top condicion pa enfrenta e Surnameonan dentro di poco. 

AVB ta convenci cu e esfuerso y dedicacion di tur e hungadonan y e staff tecnico lo duna bon resultado den e wega cu ta tuma luga na Bradenton, Sarasota, na Merca.

  • Gregory Milliard a perde su pelea contra Julius Anglickas na Merca

    Gregory Milliard a perde su pelea contra Julius Anglickas na Merca

    UNCASVILLE - E Arubiano Gregory Milliard a perde su pelea di MMA contra Julius Anglickas diabierna anochi despues di tres round, pa decision na Merca . Aunke el a duna un bon prestacion, e no a logra gana di su contrincante di Lithuania. Potret cortesia Aruba TV. 

  • Pareha local ta core Int’l half marathon dedica na Stichting Hunga Teca

    Pareha local ta core Int’l half marathon dedica na Stichting Hunga Teca

    ORANJESTAD - Awe, dia 18 di maart, e pareha Naomi Vrolijk y Jeremy Boekhoudt a corre e International Half Marathon dedicando e na Stichting Hunga Teca. E half marathon aki lo a wordu cori aña pasa, pero dor di e lock down e no a bay door. Mientras tanto e pareha si a recauda masha hopi coi hunga y wega educativo como donacion na e fundacion aki cu ta fia muchanan entre 0 pa 12 aña coi hunga of wega, manera un biblioteca di coi hunga y wega. Tanto Naomi como Jeremy ta docente di achool y sa e importancia di wega y coi hunga den e bida di un mucha. Nan sa esaki pasobra Naomi den su estudio na Hulanda a yega di traha na un Speel-O-Theek, cu ta equivalente na Aruba su Hunga Teca. Hunga y hasi wega ta yuda e mucha desaroya fysicamente, emocionalmente, mentalmente y spiritualmentw. Asina tur coi hunga y wega na Hunga Teca ta wordu sorta y categorisa prome nan bay den e systema di computer. E directiva diario di Hunga Teca a warda e pareha na e finish y como muestra di gradicimento y aprecio a ibsequia nan un potji di klei cu e logo di Hunga Teca ariba cu un mata aden, pasobra Hunga Teca ta biga pa sostenibilidad. Pesey  tur coi hunga segunda mano cu no ta wordu usa mas, ta bon bini na Hunga Teca, pa hasi oyro mucha contento cu ne

  • Commandeur Pieter Boer School a bira Scol Basico Xander Bogaerts

    Commandeur Pieter Boer School a bira Scol Basico Xander Bogaerts

    SAN NICOLAS – Diahuebs mainta Commandeur Pieter Boer School a cambia di nomber y bira Scol Basico Xander Bogaerts. Segun minister di enseñansa Rudy Lampe, ta despues di 75 aña a bira tempo pa honra un yiu di tera cu e acto aki door di duna e scol su nomber. E pelotero professional na su turno a entrega un check di 35 mil florin como agradicimento na e scol. Mester bisa cu Bogaerts a bay e scol aki tempo di su hubentud. E mes a participa den e develo di e nomber. Alavez por a nota e pelotero visualmente emocional na momento di e acto bunita aki. E potret principal ta cortesia di 297 Sports, y otronan ta di Gabinete Wever Croes. 

  • E leyenda di baseball professional Mericano Hank Aaron a fayece

    E leyenda di baseball professional Mericano Hank Aaron a fayece

    LOS ANGELS – E leyenda di baseball professional Mericano Hank Aaron (86) a fayece diabierna. Pa 33 aña, e tabatin e record di mas homerun riba su nomber (755), te ora cu Barry Bonds a kibra esaki na 2007. Despues di dos temporada el a pone un punto final na 1976. El a participa 25 den wega di Estrella di cual el a hunga 24. 

  • E spirito Arubiano Shariska Winterdal a completa su Double Iron Woman Event!

    E spirito Arubiano Shariska Winterdal a completa su Double Iron Woman Event!

    MALMOK - Casi 44 ora despues di a inicia e hazaña deportivo mas grandi di su carera, atleta local Shariska Winterdal (43) a logra cumpli cu su meta diadomingo mainta algo prome cu 10'or. E asina yama Double Iron Woman Event, como e Spirito Rubiano, Shariska a sa di landa 8 km, (algo mas), core 360 km riba bicicleta, y core 84 (algo mas) km, poniendo asina un record local riba su nomber di coremento y tambe personal. Acompaña pa e ekipo di coredo Viper Aruba, el a yega bou di aplause bek pa su 'base' na Arashi, unda cu 43 ora prome (diabierna atardi 3'or) e la drenta laman pa inicia su hazaña. Noticiacla a papia cu ne diasabra y a cubri parti di su coremento diadomingo mainta trempan, ora cu e tabata falta 'apenas' 12 km pa core ainda. E meta principal tabata pa recauda fondo pa e fundacion Frank Polanco cu ta sostene mucha huerfano di Aruba. Alavez el a haci esaki como sosten na su mama cu ta sufriendo di kebrante di salud na Hulanda. Noticiacla kier a felicita Shariska cu e logro inmenso personal aki!. 

  • Atleta Shariska Winterdal ta continua cu su Double Iron Woman Event!

    Atleta Shariska Winterdal ta continua cu su Double Iron Woman Event!

    ARASHI - E atleta conoci como e Spirito Arubiano Shariska Winterdal, a continua awe mainta cu su Double IronWoman Event 2020. Na momento cu noticiacla a combersa cu Shariska diasabra mainta, e tabata falta 'apenas' 100 km di 380 km riba bicicleta pa completa e parti aki di e triatlon. Esaki tabata e ruta Arashi-San Nicolas pa despues haci 40 km mas y lo finalisa esaki e ora. E ta premira cu pa 2'or awe tardi e ta completa e parti di bicicleta pa despues pa 5'or e inicia e parti di coremento di 82 km. 

  • Powered by SETAR