Croes: FASE ta keda prolonga pa henter 2021 te ora cu introduci TIO

ORANJESTAD – E ayudo pa trahadornan perhudica pa e pandemia, conoci como FASE (Fondo di Asistencia Social Ecnomico), ta keda prolonga pa resto di aña 2021. Asina minister di Labor Glenbert Croes a anuncia diahuebs durante conferencia di prensa. Mes momento a bisa si cu esaki ta te ora cu e areglo nobo TIO (Tijdelijke Inkomsten Ondersteuning) drenta na vigor. Esey lo reemplaza e FASE. Pues si p.e. TIO keda cla pa keda introduci na mei proximo, FASE lo keda te e ora ey. Loke si tin cu sigui haci, ta registra tur luna durante e prome 10 dianan di e luna. Sin registro, no por yega na remarke pa FASE. Y cu esaki, mester entrega tur rekisito cu ta necesario.