Obispo Secco: Tur actividad religioso publico ta cancela te proximo aviso

WILLEMSTAD/ORANJESTAD – E aña aki celebracion di Semana Santa lo por ta diferente. Esaki si tuma nota di e carta di Obispo Luis Antonio Secco  e siman aki cu a tuma algun decision cu ta drenta na vigor entrante 26 di maart proximo y tin di haber cu Covid19. E carta a drenta cerca e portal aki, unda cu ta bisa cu entre otro a tuma decision cu tur celebracion Liturgico, pero tambe actividadnan di caracter formative y catisashi, procesionan, fiestanan parokial y actonan religioso publico ta keda posponi te proximo aviso. E carta ta bin un siman prome cu celebracion di Semana Santa. “Nos lo keda celebra e sacramento di enfermo y tambe e liturgia di entiero den misa, tumando na cuenta e medidanan di higiena cu tur tin cu atene na dje”, sr Secco ta sigui bisa. 

CRITERIA

Segun e obispo, e efectonan di Covid19 tin su efecto riba e celebracion liturgico. A evalua e situacion y a dicidi cu ta decreta e loke ta poni ariba. E ta cita 4 punto cu a conduci na e decision basta drastico aki. Entre nan, un dialogo cu gobierno riba e tema, medidanan di precaucion tuma, y e importancia di e celebracion liturgico. Lesa e carta AKI. Potret cortesia Dick Drayer.