Partido UKPK kier hiba KSE corte pa iregularidad cu voto y stembiljet

WILLEMSTAD – Tur cos ta mustra den direccion cu lo tin un caso den corte pa conteo di voto pa e ultimo eleccion Parlamentario di Corsou. Prome instante tabatin e caso di reconteo di voto, cu lo a tuma lugar diaranson na Corsou pa Konseho Supremo Electoral (KSE). Pero cos no a keda ey, y e lider di e partido Un Kambio Pa Korsou kier bay corte y asina declara e eleccion, votonan otorga, como nulo. Esaki pasobra varios articulo di e kiesverordening lo a wordo viola. Entre nan cu lo a permiti dos diferente stembiljet, uno na color y uno blanco y preto di wordo usa. Un di e motibonan pa e accion aki di e lider Raichel St Jacoba ta pasobra e tabata falta apenas 100 voto pa e logra un asiento. E partido a logra 3962 voto y pa 100 voto mas e lo a logra e asiento, cu tabata poni na 4040.