Corsou cu 250 caso positivo nobo riba un dia di Covid19, a kibra su record diaranson

WILLEMSTAD – Corsou a conoce un cifra nobo record diaranson di casonan positivo pa Covid19. Esaki ora cu e cifra di dia a bira conoci cu tabata 250 pa un solo dia. Loke no a yuda e causa, ta cu tabatin tambe 3 morto pa raporta den e ultimo 24 ora. Corsou ta den un lockdown parcial, unda cu tin toque de queda foi 9’or, ley seco y un cantidad di regla extra, estilo shelter in place. Ademas a introduci e regla di plachi di dia, unda cu un cierto cantidad so di auto por trafica riba caminda. Hopi ta cuestiona e cantidad di caso, y si esaki ta resultado di eleccion mientras cu otronan ta bisa cu esaki ta hasta prome, y cu e sla tin cu bin ainda. Pa loke ta e cantidad di casonan hospitalisa, esaki tambe ta halto, cu 38. Y e positivity rate ta 23%. Algo cu tabata bou di 5% algun siman atras ainda.