Hulanda ta prolonga medidanan contra Covid cu exepcion di toque de queda

DEN HAAG – Toque de Queda ta bira un ora mas laat otro siman (31 di maart 2021) pero tur otro medida contra Covid19 a wordo prolonga pa 3 siman mas. Asina premier demisionario Mark Rutte a bisa diamars durante un conferencia di prensa. Ademas e conseho ta pa no bay cu vacacion for di Hulanda na mei (eynan tin vacacion e ora ey) . Ainda falta e conseho pa vacacion di verano. E mandatario ta ‘culpa’ cifranan halto ainda di contagio y hospitalisacion pa e virus. Envez di reduci, e cifranan a aumenta e ultimo dos simanan. Pa e sector hotelero esaki sigur ta un sla, mirando cu tabata premira y spera cu por a habri e terasanan cu na Hulanda ta hopi popular aworaki.