Specialistanan preocupa cu aumento di caso di hospitalisacion pa Covid19

ORANJESTAD – E cifranan di hospitalisacion pa Covid19 na Aruba ta aumentando atrobe y den fin di siman a yega 36 total. Dialuna esaki a keda igual. Di e cifranan aki, 12 ta den ICU. Varios specialista medico a cuminsa bati alarma publicamente y ta mustra cu e situacion ta yegando atrobe na un climax unda cu no ta descarta cu lo mester tuma medida. En comparacion cu Corsou, ey tin 28 caso hospitalisa di cual 12 ta den ICU y hospital entrante awe eynan a para tur operacion regular pa dos dia pa cuminsa. Aki cu tin mas caso, ainda hospital ta indica cu por atende hende sin escalacion. Pero no ta tarda hopi mas prome cu esaki cambia.