Corsou ta drenta den lockdown atrobe diaranson debi na Covid19

WILLEMSTAD – Corsou ta bay den lockdown entrante diaranson 24 di maart proximo pa un periodo di 2 siman. Asina prome minister di e isla Eugene Rhuggenaath a anuncia dialuna mainta. E motibo ta e cifranan alarmante di casonan positivo cu a subi recientemente. Hunto cu esaki ta bin cu lo introduci e plachi dia atrobe cu ta regula e fluho di trafico, y solamente tiendanan esencial solamente ta keda habri. E toque de queda ta keda vigente tambe. Keda pendiente pa e detayenan riba e caso aki. No por bay beach tampoco. Aeropuerto si ta keda habri manteniendo e condicionan vigente cu ta den efecto aworaki. Turistanan cu ta bin Corsou, tambe tin cu tene nan mes na e reglamento aki. Turistanan por subi caya cu auto di huur, pero ta tene cuenta cu e plachi di dia tambe. Pero no por tin excursion y mester keda na nan hotel.