Partido MFK a gana eleccion parlamentario 2021 di Corsou cu un landslide

WILLEMSTAD – E resultado di eleccion parlamentario di Corsou 2021 a trece un cambio den gobernacion. E resultado preliminar a pone cu e partido Movimento Futuro Korsou MFK a gana e eleccion den un forma abrumador cu no menos cu 23559 voto. Algo prome cu mei anochi, prome minister di Corsou Eugene Rhugenaath a bisa cu e no a spera e resultado aki y cu Corsou a pidi pa un cambio. Mes momento a confirma cu el a felicita lider di e partido MFK Gilmar ‘Pik’ Pisas cu su victoria grandi. Mes momento lider di partido MAN Steven Martina a lamenta e resultado y ta bisa cu e mensahe di MAN no a yega na e pueblo, y cu nan lo bay den nan seno pa wak kico a bay robez. 

ASIENTO

For di e resultado preliminar di e eleccion e reparticion di asiento  segun Konseho Supremo Electoral, MFK ta haya  9 asiento (5+4), sigui pa partidonan PAR y PNP cu 4 asiento cada un (2+2), sigui pa MAN cu 2 asiento (1+1), sigui pa Trabou pa Korsou y Korsou Esun Miho cu 1 asiento cada un. 

ANOCHI

For di inicio di e anochi, tabata bisto con e partido MFK a tuma e delantera y practicamente no a laga esaki los mas. Na inicio den e prome urnanan, e partido actual na mando PAR, tabata cabez cabez cu MFK, pero despues MFK a ranca sali y no a laga los mas. 

FUTURO

Un di e puntonan cu ta mira cu tabata un motibo di e cambio, ta e acuerdo cu Corsou a firma cu Hulanda aña pasa, e asina yama COHO, y posiblemente e benta di UTS. Partido MFK a bisa caba na varios oportunidad cu nan kier renegosha e acuerdo, pero no ta conoci con Hulanda lo reacciona riba esaki. Partido Nacional su lider Ruthmilda ‘Mimi’ Larmonie Cecilia a bisa cu e ta contento cu e logro aunke no tin acuerdo cu MFK pa traha hunto ainda. E la felicita MFK si cu e logro grandi aki. Porta ta keda habri pa MFK y PNP traha hunto.

CASI CASIUn partido cu hopi tabatin speransa cu lo a haya un asiento, tabata UKPK di e hoben cu pa algun voto no a logra saca su prome asiento. Dado momento hopi tabata mustra emocion pa wak si e ta logra, pero lamentablemente esaki no tabata e caso. NOBATO

Dos partido cu tambe a saca asiento y ta ‘nobato’ ta Trabou pa Korsou di Rennos Calmes, y Korsou Esun Mes.

RESULTADO PRELIMINAR

UKPK 3990

VISHON 3544

KdnT 3521

MP 1462

TPK 4411

DP 2388

KEM 4537

MKP 2455

PNP 10563

PAR 11778

PIN 3734

MAN 5456

MFK 23559

PS 1215

KUMUN 2245

Invalid 1052