Medida riba bishita na restaurant, bishita na cas y samenscholingsverbod a keda ahusta

ORANJESTAD – Gobierno a anuncia algun ahustacion minimo di e medidanan pa Covid19, pero no manera cu a spera. Entre e cambionan cu a keda anuncia, tin e.o. e cantidad di persona cu por ta na restaurant y na entiero, ahustacion di e samenscholings verbod. Pero loke a spera, manera ahustacion di Toque de Queda y ciere di orario mas tempran, no a sosode. A mustra si cu si e situacion empeora mas ainda, lo intensifica e medidanan entrante fin di luna aki, manera un shelter in place y possible lockdown y ciere di scol. Pero pa loke ta e medidanan mas severo, manera Toque de Queda, esaki a keda mescos, y tambe e horario di cierre. 

CAMBIONAN

Pa loke ta e cambionan mes, pa restaurant, esaki ta cambia di 4 persona paden y 6 pafo, pa total 2 persona maximo na mesa, paden y pafo. Pa loke ta evento social y bishita na cas, esaki no ta permiti mas, y entiero, di 25 persona maximo presente, a reduci esaki na 10 persona. Deporte ta keda possible tanto individual como grupo pero sin publico y den gym mester sigui protocol di higiena y tapaboca. Protocolnan ta keda vigente den tienda, oficina y scol. Barnan ta keda cera, y entretenimiento ta keda limit ana un solo artista y no tin baliamento. Samenscholingsverbod ta bira di 4 persona maximo te na 2. Toque de Queda ta keda 12’or di mei anochi pa 5or di marduga y gebiedsverbod ta keda di 7pm pa 5am.