Wever: Gobierno lo anuncia medida nobo contra Covid19 diabierna!

ORANJESTAD – Mirando e situacion cu a surgi ultimo dianan unda cu e cifra di casonan nobo a aumenta drasticamente, Diahuebs a anuncia 73 caso positivo nobo y ya caba Aruba a yega mas di 80 morto. Gobierno a dicidi cu ta bay tuma medida adicional. Prome minister Evelyn Wever Croes diahuebs atardi a confirma pa e noticiacla cu diabierna (mayan) lo yama un conferencia di prensa unda cu lo anuncia medida nobo. No a bisa kico e medidanan aki lo ta, pero si cu lo tin medidanan nobo. E casonan a aumenta di tal forma cu nos ta yegando 400 caso activo atrobe mientras cu hospital tambe ta sigui yena cu casonan di Covid19.