Jorritsma(VVD) y Ollongren(D66) apunta como explorador pa un gabinete Hulandes nobo

DEN HAAG - Annemarie Jorritsma (VVD) y Kajsa Ollongren (D66) a keda nombra como exploradpor pa e posibilidanan pa formacion di un gabinete nobo. Asina e presidente di Tweede Kamer Khadija Arib a informa despues cu a reuni cu tur lider di fraccion cu a keda eligi (a haya asiento).  

E hecho cu VVD y D66 a sali como e partido di mas grandi  cu voto y asiento, a pone cu nan a haya e tarea menciona. Te awor tabata custumber cu solamente e partido ganador presenta un explorador, pero debi na e cantidad grandi di voto cu D66 a haya, a opta pa tin dos. Jorritsma ta ex vice premier y minister di trafico y Economia y ta den Eerste Kamer como lider di fraccion pa VVD. Ollongren ta vice prome minister di e gabinete actual y minister di Relacionan interno. Ariba a bisa cu e dos personanan tin te dia 30 di maart pa presenta nan investigacion. Esey ta e ultimo dia cu e Tweede Kamer actual ta reuni. Despues ta anuncia ken ta bira e informadornan.