Cu 88% di voto conta, VVD y D66 ta sigui ta e ganadornan na Hulanda

DEN HAAG – Despues di 88% di e votonan conta pa e eleccion di Tweede Kamer na Hulanda, e partido VVD ta logra 35 asiento (1 menos cu e exitpolls cu a dune 36). E sorpresa grandi ta e partido D66 di Sigrid Kaag cu tin 24 asiento (3 menos cu e exitpolls cu a dune 27) cu ta 5 mas cu e eleccion anterior. E di tres lugar ta bay pa PVV di e controversial Geert Wilders cu 17 asiento cu ta 3 menos cu eleccion pasa. Pa CDA (partido cu Raymond Knops, secretario demisionario di Relacionan di Reino  actual ta forma parti di dje) e resultado ta un decepcion. Nan ta perde 4 asiento y ta yega te 15. E conteo ta continua.