Partido D66 a gana eleccion pa Tweede Kamer na Aruba

ORANJESTAD – Mientras cu e exito polls ta duna VVD como e partido mas grandi pa Tweede Kamer na Hulanda, e resultado na Aruba tabata diferente. Aki na Aruba tambe Hulandesnan por a vota y 356 a haci uso di e derecho aki. E partido D66 a haya mas voto na Aruba pa e eleccion di Tweede Kamer. Cu 81 voto, e ta e partido mas grandi Hulandes pa Aruba. Di otro banda, e lider di partido VVD Mark Rutte si a keda e politico mas popular pa esnan cu a vota na Aruba, cu 67 voto. Ademas mas candidato interesante pa Aruba ta Raymond Knops (CDA) cu a haya 9 voto na Aruba, y Jorien Wuite cu a core campana den Caribe Hulandes a logra 10 voto. Geert Wilders (PVV) a logra 10 voto tambe. Un total di 356 persona a deposita nan voto valido na Aruba. Otro siman diamars dia 23 di maart ta duna e resultado oficial di e votonan. Mirando e resultado, ta probable cu ta bin un otro representante Hulandes pa Caribe Hulandes y cu Raymond Knops no ta bolbe riba e funcion aki den e proximo gabinete Rutte. 

E RESULTADO COMPLETO

D66 – 81

VVD – 75

CDA – 39

Groen Links – 38

PvdA – 26

FvD 23

PVV – 18

Partij van de Dieren 14

CU 13

SP 10

VOLT 9

SGP 3

BIJ1 2

JA21 1

JONG 1

BBB 1

Henk Krol 1

Code Oranje 1

E otro partidonan no a haya ningun voto.