'Dance Parade' di carnaval 61 oficialmente a keda cancela

ORANJESTAD – Un dia prome cu e parada inovativo di carnaval 61 tuma lugar, esaki a keda cancela. Diahuebs anochi e organisadonan a dicidi cu no ta continua cu esaki debi na asistencia pober di participante. Mientras cu esaki a keda confirma cu un di e gruponan participante riba nan pagina facebook, organisadornan di e evento a bisa NoticiaCla.com diahuebs anochi cu diabierna pa 3pm nan lo tene un conferencia di prensa unda cu nan lo splica den detayes kico a pasa cu nan a tuma un decision asina ‘abrupto’.

META DI PARADA 

E parada tabata uno netamente organisa y diseña pa genera entrada pa e gruponan uni, y lo mester a conta cu un participacion di por lo menos 2.500 participante. E musica lo tabata electronico ‘cu un toke di carnaval’.