Exitpolls: VVD ta keda e partido mas grandi di Hulanda

DEN HAAG – E partido lidera pa Mark Rutte (VVD) ta mustra di ta keda e partido mas grandi di Hulanda segun e asina yama ‘exit polls’, osea encuesta di salida. Si e resultado aki keda, e ta bira e di 4 victoria sigui di e partido. For di e informacion inicial, VVD por conta cu 36 asiento cu ta 2 mas cu e eleccion anterior.  D66 cu lider Sigrid Kaag ta haya 27 asiento cu ta 8 mas cu prome, y ta bira asina e di dos partido mas grandi di Hulanda. E di tres partido mas grandi ta mustra di ta PVV di Geeert Wilders, cu 17 asiento cu ta un perdida di 3 asienti. E partido CDA di Wopke Hoekstra ta premira pa haya 14 asiento cu ta un caida di 5 asiento. PvdA ta haya 9, SP y GL ambos ta bay di 14 pa 8 asiento. FvD ta subi na 7 asiento y PvD ta aumenta cu un asiento pa 6 asiento. E informacion aki ta resultado di e exit polls, y ta di Ipsos.