Tres minister di Gabinete Wever Croes a ricibi nan di dos vacuna

SANTA CRUZ - Tres minister di Gabinete Wever Croes a ricibi nan di dos vacuna dialuna contra Covid19. Ta trata dii ministernan Wever Croes, Maduro y Oduber. Manera por corda, durante e prome siman cu e vacuna a yega Aruba na februari ultimo, a opta dado momento pa tuma e vacuna tambe pa asina logra convence comunidad cu e vacuna ta ok y cu nan mes a tume. Mescos cu tur otro cu ya caba a tuma nan vacuna Pfizer/Biotec, e ministernan en cuestion tambe mester a tuma un di dos dosis. Y esey a tuma lugar awe dialuna. Mientrastanto un otro minister, sr Glenbert Croes tambe a tuma su vacuna awe, e prome dosis. E proceso di vacuna ta continua na Aruba y actualmente e ta den e proceso di e di dos dosis (batch) di vacuna cu ta wordo administra. E intencion ta cu pa prome cu inicio di periodo di horcan (1 juni 2021) 80% di comunidad di Aruba mester ta vacuna.