Aruba cu bandera halfstok pa fayecidonan di Covid19 riba e prome aña di e pandemia

ORANJESTAD – Aruba awe honra tur esnan cu a fayece durante e prome aña di Covid19. Como tal a baha tur bandera halfstok durante curso di dia. Pero tabata notable cu hopi hende ainda no tabata sa y tabata puntra rond pakico banderanan ta halfstok. Di otro banda, e reaccion tabata hopi positivo pa e decision di gobierno esta pa honra esnan cu a fayece. Mientrastanto tin 77 morto na Aruba a consecuencia di Covid19 di cual 76 ta local. Noticiacla ta manda palabra di forza pa e famianan cu a perde nan ser stima pa Covid19.