Hof ta rechasa peticion di banco pa cera cuenta bek di Bochincha Container Yard

Hof ta rechasa peticion di banco pa cera cuenta bek di Bochincha Container Yard

Posted on 03/12/2021 5:26 pm AST | Updated on 03/12/2021 5:28 pm AST

ORANJESTAD – Bochincha Container Yard (BCY) y su propietario Otmar Oduber por mantene nan cuenta bancario na Aruba Bank habri. Asina Hof a dicta diabierna den un sentencia di 4 pagina, rechasando e peticion di e instituto financiero pa ‘suspende’ e sentencia contra nan pa cu habrimento di cuenta di BCY y su propietario principal Oduber. Cu suspension di e sentencia, e banco lo por a ‘cera e cuenta’ di BYC, te ora cu Hof trata e apelacion cu e banco a entama, ya cu nan no a keda contento cu e sentencia den e caso di prome instancia. Por lo menos, esey tabata e pensamento di e banco, tras di e peticion di suspension.  

SENTENCIA

Den e sentencia recien, corte a obliga e instituto financiero pa habri un cuenta pa BCY despues cu e banco a nenga e propietario Oduber pa haci tal, citando e.o. su status di sospechoso den un caso penal andando. E hecho aki lo a pone e banco den un luz negativo segun e instituto financiero. Huez den e caso ey a rechasa e ponencia di e banco, y a mustra cu tur hende ta inocente te ora cu un huez sentencia e persona en cuestion y cu esey no por ta un motibo pa impede BCY pa tin un cuenta bancario. Ademas, e cliente a cumpli cu tur rekisito y no tin ningun motibo valido pa nenga e cliente. Y si dado caso mes cu e doño keda sentencia pa cual ta sospech’e di dje, e banco tin 2 luna pa e ora ey numa cera e cuenta bancario en cuestion. Huez den e caso ey a sentencia e banco pa habri e cuenta mesora pa BCY y pa cada dia cu no cumpli, multa e banco e suma di 2.500 florin te na un maximo di mei miyon (AWG 500.000=). 

SUSPENCION

E banco a cumpli cu e sentencia, habriendo un cuenta di banco e siguiente dia cu e veredicto a keda presenta. Remarcable ta sinembargo cu e mesun dia cu e banco a habri e cuenta pa BCY, e la usa un strategia legal door fuera di apela e sentencia, manda un peticion na Hof pa suspension di e sentencia, cu lo mester resulta den ceramento bek di e cuenta bancario di BCY, cu e intencion di tene e cuenta cera te ora cu Hof trata e caso den apelacion. Cu esaki, ta mustra cu e banco tabata haci todo por todo pa no tin un relacion bancario cu e compania, segun analistanan legal cu a comenta esaki cu e portal aki. 

MOTIVACION

Den e sentencia aki Hof a mustra cu e interes di Oduber y BCY ta conta mas pisa cu esun di e banco, pasobra si cumpli cu e peticion di suspension, esey lo nifica cu tur e tempo aki e cliente lo no por tin un cuenta bancario, cu ta dificulta su forma di opera.  Y ademas ta conoci cu niun otro banco no kier a habri un cuenta pe pues e chensnan pa un otro cuenta ta limita of hasta nulo. Esey ta pone den un situacion cu ta dune e urgencia. Ademas segun Hof, e banco no por a demonstra pakico Oduber y BCY como cliente, ta un risico inaceptabel pa e banco. Ademas, no tin ningun indicacion cu e ehecucion di e sentencia en cuestion, ta trece e relacion cu e ‘correspondent bank’ den peliger. Y cu tin otro clientenan potencial cu tambe kier habri un cuenta awor, a consecuencia di e sentencia aki, no por stroba e cliente actual (BCY) di habri un cuenta bancario, of den e caso aki, tene su cuenta bancario habri. Y pesey, Hof a rechasa e peticion di e banco pa suspende e ehecucion di e sentencia previo. Cu esaki pues, e cuenta bancario mester keda habri. 

REACCION ODUBER

Segun Otmar Oduber den un reaccion cortico pa e portal aki  ta ‘claro cu e sentimiento ta uno di restablece trankilidad pa por sigi traha y hiba e compania dilanti’. Oduber a recorda cu Bochincha, entre e 11 inversionistanan, ta emplea 107 empleado directo y ta cumpli cu tur su debernan cabalmente. E ta referi tambe na e parti unda cu Hof tawata hopi categorico cu banco no por a prueba cu tin nada robez y ta haña cu e interesnan di BCY ta pisa hopi mas cu esun di banco. Oduber ta lamenta si cu e banco a recuri na puntonan cu no ta cuadra cu e realidad den e caso aki, pero ta contento cu esakinan a keda bari foi mesa, paso su unico interes ta pa sigi haci negoshi y pa tin un bon relacion cu e banco, manera semper tawata e caso durante hopi aña. Por lesa e sentencia AKI

  • Despues di interogacionan, a encarcela pareha Werleman awe tardi pa caso Avestruz

    Despues di interogacionan, a encarcela pareha Werleman awe tardi pa caso Avestruz

    ORANJESTAD – Tanto e sospechoso G. Werleman y N. Nuñez a keda encarcela pa mas interogracion den e caso penal Avestruz. Vocero di Ministerio Publico Ann Angela a confirma esaki pa e portal dialuna atardi. Tabata mainta tempran cu ambos a wordo deteni na nan cas y hiba Landrecherche pa nan por wordo interoga. Na fin di dia, a pasa pa nan ‘inverzekering stelling’ esta cu a keda encarcela pa continua cu mas interogacion e proximo dianan. Nan ta sospechoso relaciona cu benta di tereno erfpacht den forma illegal. Mientrastanto e sospechoso L. Arends ainda ta deteni, y e detenidonan R. Richardson y J. Franken ta den libertad condicional atrobe. 

  • Sospechosonan R. y F. a recobra nan libertad temporal di e caso Avestruz

    Sospechosonan R. y F. a recobra nan libertad temporal di e caso Avestruz

    ORANJESTAD – E dos sospechosonan den caso penal di fraude Avestruz , esta Jeffrey F. y Rebecca R. a recobra nan libertad temporal dialuna. A compronde cu prome cu por a presenta un caso pa e.o. libertad di F, a dicidi cu ambos por a bay liber temporalmente. Diadomingo a haci un siman cu R. tabata cera y awe un siman cu F. tabata cera. Cu libertad di e dos personanan aki ainda tin 3 persona deteni. Uno ta Leoncita A. cu diamars ta haci un siman deteni pa mesun cargo cu R. mientras cu awe mainta e Pareha Werleman-Nuñez a keda deteni tambe pa nan participacion den e actonan cu ta encera e caso. Ministerio Publico a bisa siman pasa caba cu no tabata descarta mas detencion den e caso aki, di cual ta premira cu e sospechoso principal Benny Sevinger tambe por bira un ‘victima’ di detencion.  

  • Gaby W. y su casa detene awe mainta den caso Avestruz

    Gaby W. y su casa detene awe mainta den caso Avestruz

    ORANJESTAD – Awe mainta tabatin 2 detencion mas den caso Avestruz. Ta trata di e pareha Gaby W. y su pareha N.N. Vocero di ministerio publico Ann Angela a confirma esaki awe mainta pa noticiacla. E cargonan pa cual nan ta wordo sospecha, ta posibel hechonan castigabel rond di otorgamento di erfpach di tereno di pais Aruba. Avestruz ta dirigi su mes particularmente riba e pregunta si un of mas compania a wordo otorga incorectamente (un opcion riba) derecho di erfpacht riba terenonan di pais Aruba den e añanan 2009 te 2017. 

  • Ministerio Publico: No ta exclui mas detencion den caso Avestruz

    Ministerio Publico: No ta exclui mas detencion den caso Avestruz

    ORANJESTAD – Ministerio Publico di Aruba a duna indicacion cu por tin mas detencion na caminda den e caso Avestruz, ‘ den e periodo venidero’. Diabierna Ministerio Publico a kibra silencio riba e caso, ora cu nan a emiti un comunicado riba e.o. e detencionan cu a tuma lugar. Den e comunicado aki tambe nan a pone cu ‘Landsrecherche no ta exclui cu lo bin mas detencion den e periodo venidero’. No a bisa ki tempo pero ta premira cu e simanan nos dilanti. 

  • Detencion di e tres sospechosonan di caso Avestruz prolonga cu 8 dia

    Detencion di e tres sospechosonan di caso Avestruz prolonga cu 8 dia

    ORANJESTAD – Tur tres sospechoso deteni e siman aki den e caso penal Avestruz nan detencion a keda prolonga cu 8 dia. Por lo menos for di un di nan abogado, Leoncita A. su abogado Doris Canwood a confirma su cliente y a compronde cu e otro dosnan tambe. Awe Hues comisario mester a toets A. y e otro F. No ta conoci si e prome sospechoso deteni, Rebecca  R. tambe su detencion a keda prolonga awe mes of mas prome. Esaki kier men cu ainda no tabata cla cu e interogacion y cu mester mas informacion prome cu por laga nan bay den libertad condicional. 

  • Landsrecherche a scucha Alan Howell diaranson como sospechoso

    Landsrecherche a scucha Alan Howell diaranson como sospechoso

    ORANJESTAD – Lider di partido politico POR Alan Howell a keda scucha diaranson atardi oficialmente como sospechoso den e caso di malversacion di fondo. Algun siman pasa sr Howell a keda informa cu a pone beslag riba un di su cuentanan bancario y un cuenta di e fundacion di e fraccion POR den Parlamento, basa riba sospecho di malversacion di fondo. Vocero di Ministerio Publico Ann Angela diaranson atardi a confirma pa noticiacla cu sr Howell enberdad tabata na Landsrecherche como sospechoso. 

  • Powered by SETAR