Minister a denuncia de Ruijter y Williams pa ‘valse aangifte’ riba asunto di seguro pa Covid19

ORANJESTAD – Minister di Salud y Turismo Dangui Oduber a entrega keho na ministerio publico, contra Jan De Ruijter y Michael Williams pa denuncia falso contra dje. Ta trata riba asunto di Covid19 y manipulacion cu otorgamento di contract di Seguro pa Covid19 na cierto companianan cu e lo a privilegia. “ Ora elementonan trata na susha mi nomber y “purba” atacha mi integridad mi ta tuma accion di inmediato” e mandatario a cuminsa na bisa riba su pagina di Facebook riba e tema. ”Un rato pasa mi a entrega keho contra De Ruijter y Williams pa valse aangife. Un aangifte cu nan a entrega contra mi cu ta sin pia y sin cabez. Basa riba redashi y teorianan cu nan mes ta sonja y fabrica. Mi ta spera Ministerio Publico pone un fin na e tipo di elementonan aki cu ta pensa cu tur hende ta mescos cu nan” e mandatario a finalisa bisando.