Problema cu suministro di vacuna di AstraZeneca pa Hulanda

AMSTERDAM – E compania farmaceutico AstraZeneca tin problema pa cumpli cu entrega di dosis segun palabracion na Hulanda. Asina prensa Hulandes ta raporta diabierna. E problema ta cu e compania lo entrega hopi menos vacuna cu anteriormente acorda. Ta trata di un 450 mil dosis menos cu lo keda entrega entre awor y fin di April na Hulanda. Den e di dos cuartal tambe, envez di e cantidad acorda, lo entrega 4 miyon dosis cu ta un kwart menos cu a keda priminti originalmente. Esey ta nifica cu e lo tin efecto riba e distribucion na Hulanda y posiblemente paisnan den Cariba Hulandes.