Aruba a registra 45 caso positivo nobo di Covid19

ORANJESTAD - Incluyendo awe, Aruba tin tres dia sigui riba 40 caso positivo di Covid19. Si tene cuenta cu e casonan local so, esaki a keda steady riba 42. Awe Aruba a registra 45 caso nobo, di cual 42 ta local. E otro dianan tabatin 50 caso total, pero kitando esnnan no local, e tabata yega 43 y 44 respectivamente. Como tal, e casonan ta kedando steady riba 40 desde dialuna,. Segun resumen di awe pues a registra un total di 45 caso nobo di Covid-19, di cual 3 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 563 test. 'Postivity rate' entre nos residentenan ta 23% y 45 persona a recupera.

ACTIVO

Casonan activo pa awe ta 221, cantidad di fayecido relaciona cu Covid-19 ta 77.

HOSPITAL

Hospital ta informa cu tin un total di 19 persona interna di cual 7 ta den Cuido Intensivo y 12 riba unidad general di covid. Edad promedio di esnan ingresa pa extra cuido ta 63 aña.