Pa di dos dia sigui Aruba ta raporta 50 caso positivo di Covid19

ORANJESTAD – Pa dos dia sigui Aruba ta raporta 50 caso positivo di Covid19. Segun resumen di awe pues a registra un total di 50 caso nobo di Covid-19, di cual 7 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 488 test. 'Postivity rate' entre nos residentenan ta 21% y 36 persona a recupera.

ACTIVO

Casonan activo pa awe ta 221, cantidad di fayecido relaciona cu Covid-19 ta 77.

HOSPITAL

Hospital ta informa cu tin un total di 22 persona interna di cual 10 ta den Cuido Intensivo y 12 riba unidad general di covid. Edad promedio di esnan ingresa pa extra cuido ta 63 aña.