Gobierno Hulandes purbando pa studiantenan di Caribe Hulandes haya seguro di salud Hulandes

DEN HAAG – Gobierno Hulandes ta buscando manera pa studiantenan di Aruba, Corsou y St Maarten por haya seguro di salud y pa haci uso di subsiodio di salud.  Asina minister Hulandes di enseñansa Ingrid van Engelshoven a contesta Tweede Kamer. E tabata contesta dos miembro di partido D66. E miembronan di Tweede Kamer a puntra pa claridad na December aña pasa ora cu un rapport alarmante di Ombudsman a raporta retonan grandi di studiantenan di Caribe Hulandes na Hulanda. E mandatario a topa cu 10 studiante di e area aki y a comparti nan storia riba studiamento na Hulanda. Ta purbando awor pa adapta e ley pa haci posible pa studiantenan di Caribe Hulandes usa e seguro di salud durante nan estudio. Actualmente un ley cu ta data di 1999 ta preveni studiantenan di Aruba, Corsou y St Maarten pa haya seguro di salud y subsidio. Nan mester haya un seguro internacional, a lo menos cu nan tin un seguro di e islanan, cu ta cubri Hulanda tambe.