Simar: A cambia di fusering di scol awor pa verhuizing

ORANJESTAD – Di fusering, gobierno (lesa: gobierno) a cambia e proceso di Emma School, pa verhuizing. Den un carta cu prome minister di Aruba Evelyn Wever Croes a manda pa sindicato di maestro Simar diamars, e sindicato a nota cu enberdad no ta papia mas di fusering di Emma School y Scol Paso pa Futuro den uno, pero awor ta papia di ‘verhuizing’. Mientras cu a gradici e mandatario pa a cumpli cu e ultimatum di diamars 4’or, no ta contento cu cierto parti di e carta. Esaki a sali na cla durante un reunion awe mainta entre docentenan di Emma School y SIMAR na e edificio di Simar. Y diaranson merdia 1or y mei, e minister di enseñansa Rudy Lampe lo reuni cu e docentenan pa atende e un que otro. E docentenan a splica cu uni dos scol hunto, lo crea solamente un chaos educacional, y e sistema con kier atende cu e problema, ta trece hasta esnan di scol regular, den un problema. Esaki pasobra segun e sistema cu minister Lampe kier haci, ta pone cu muchanan cu mester di atencion special, lo haya esaki mucho laat, y lo ta mescla cu muchanan regular, y aki e problema lo ta pa tanto esnan special y esnan regular. A duna various ehempel di con mester mira e situacion cu por surgi si e plan actual di union continua. Por lesa e carta di e minister presidente pa SIMAR AKI.