Conocido presentador Piers Morgan ta retira di ITV despues di consternacion rond entrevista Harry y Meghan

LONDON – E presentador Britanico controversial Piers Morgan a retira di e programa di mainta Good Morning Britain di e cadena ITV diamars. Esaki despues di e conmocion cu a surgi ora cu e la critica e entrevista controversial di Principe Harry y su casa Meghan un dia prome fuertemente. Entre e keho, e la yama Meghan un mentiroso ora cu esaki a bisa e.o. cu e tabatin inclinacion pa comete suicidio. A considera e entrevista como uno patetico. Durante un discussion fuerte den e programa dialuna, dado momento Morgan a lanta bay den pleno programa, causando un consternacion. “Pierse a dicidi cu ta tempo pa bay. ITV ta acepta e decision ey y no tin nada mas di agrega” e declaracion breve di e canal a bisa. No ta prome biaha cu Morgan ta lansa critica y ofensa den direccion di cierto personanan. E tabata un tempo hurado di Britain’s Got Talent. Prome cu e retiro di Morgan, e canal a ricibi como 41 mil keho por escrito, di su actuacion contra e pareha Real.