Positivity rate local di Covid19 ta hopi halto aunke tin medida

ORANJESTAD – E positivity rate local di Covid19 ta sigui hopi halto aunke cu tin medida. Cu casi 30% (29% pa ta exacto), e ta mucho halto. Pa un isla manera Aruba, e positivity rate ideal lo ta 4% of menos. E positivity rate ta e cantidad di hende cu ta test, vs e cantidad cu ta test positivo. Esey ta nifica cu mucho poco hende ta test y cu ainda no por suavisa e medidanan. 

RESUMEN

Segun resumen di awe, a registra un total di 17 caso nobo di Covid-19, di cual 4 ta no-residente.Mester tene cuenta si cu ta cifranan di weekend y cu den weekend semper cifranan ta mucho mas abou ya cu hopi of casi no tin testmento den weekend.  E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 384 test. 'Postivity rate' entre nos residentenan ta 29% y 30 persona a recupera. 

ACTIVO

Casonan activo pa awe ta 192, cantidad di fayecido relaciona cu Covid-19 ta 77.

HOSPITAL

Hospital ta informa cu tin un total di 23 persona interna di cual 9 ta den Cuido Intensivo y 14 riba unidad general di covid. Edad promedio di esnan ingresa pa extra cuido ta 63 aña.