Encuesta na Hulanda: VVD ta keda partido mas grandi

DEN HAAG – Faltanto un siman pa eleccion di Tweede Kamer na Hulanda, partido VVD cu 40 asiento ta e partido di mas grandi, cu un distancia grandi cu e siguiente partido. Esey ta segun un encuesta mas recien di Kantar. Despues di VVD ta sigui CDA cu 19 asiento, cu ta dos mas cu e encuesta anterior dos siman prome. PVV ta sigui cu 17 asiento, D66 cu 15 y PvdA cu 13 zetels. GroenLinks ta cay te na 11, ySP ta gana dos pa yega 12.

Mayoria cu vota VVD, ta haci esey pasobra nan ta considera cu Rutte a haci un bon trabou pa cu coronavirus. Banda di esey, nan no ta mira cu tin otro cu por tuma e batuta over y mantene stabilidad di e pais. Tambe mas votador parce di a dicidi caba. Un total di 1596 persona a participa na e encuesta y tabata Hulandesnan di 18 aña bay ariba. Y a encuesta entre 6 pa 8 di maar ultimo.