Toque de Queda na Corsou ta bek pa 10’or di anochi atrobe

WILLEMSTAD – Corsou a bolbe cambia orario di Toque de Queda di mei anochi bek pa 10’or di anochi entrante awe nochi. Segun prome minister Eugene Rhuggenaath, ta necesario pa tuma e medidanan aki mirando cu ultimo dianan aki e cifra di casonan a aumenta atrobe. “E cifra di caso a subi, y e contagio a subi” sr Rhuggenaath a sigui bisa. Ta necesario pa tuma e medidanan aki awor, envez di tin cu anuncia un lockdown den e proximo simannan. Segun e mandatario, e ta confirma cu ultimo dianan, e cantidad di casonan a aumenta cu doble cifra pa varios dia. No obstante e hecho cu e positivity rate ta abou, toch no kier tuma risico.