IMF: Aruba a logra contene daño humano y economico inicial di Covid19

WASHINGTON – “Aruba a maneha pa contene e pandemia su efectonan den e prome lunanan di e brote di Covid19, y e reaccion rapido a yuda contene e daño humano y economico di e pandemia”. Asina Fondo Monetario Internacional (FMI) a informa dialuna mainta riba nan portal relaciona cu nan conclusion di 16 punto segun nan relato, conocicomo e ‘mission di articulo 4’. Gobierno di Aruba dialuna mainta a cuminsa nan conferencia di prensa un poco mas laat (despues di 10’or di mainta manera cu e tabata programa inicialmente) , probablemente wardando e resultado di e rapport di FMI keda publica. Y consecuentemente a referi na loke nan ta considera un logra grandi pa Aruba. 

RECONOCE TRABOU

Segun minister di Finanza Xiomara Maduro, FMI asina ta reconoce e trabou cu gobierno actual a haci. Loke ta reconoce tambe mesora, ta cu FMI ta alerta si riba loke tin cu haci pa sigui cu e trabou di recuperacion. “Facilitando e recuperacion lo rekeri sosten di medida den termino cortico y mientras cu e pandemia ta disminui, reforma structural sostenibel y esfuerso fiscal mester ta necesario pa sigura e sostenibilidad di debe. Asina e Fondo Internacional Financiero Mericano ta sigui bisa.    

PANORAMA

E panorama dilanti segun FMI ta mira un debilidad prolonga suheto na riesgo excepcional. Ta mira si un recuperación modera di 5%, sosteni pa e capacidad di vacuna contra Covid19 compara cu otro paisnan den región.  Pa e rapport completo, click AKI.