Politico Almier Godett asesina na Corsou diadomingo mainta

WILLEMSTAD – Na Corsoue politico Almier Godett (39) a keda asesina diadomingo mainta. E tabata candidato number 4 riba lista politido Trabou pa Korsou, y tabata subrino di Anthony Godett cu ta riba lista KEM. E caso di tiramento a tuma lugar na Juan Domingo, parti noordwest di Corsou. E tabata un problema familiar cu supuestamente Godett kier a bay intermedia of trankilisa pero a bira e victima. Algun caya atras, a detene un sospechoso relaciona cu e asesinato. Na e cas a haya varios huls di bala.  

MALTRATO

Ta e di dos incidente cu ta envolvi un miembro di partido TPK, partido di Rennox Calmes. Tabata Athly Maria, number 6 riba e lista cu lo a keda deteni pa maltrato, pero despues el a keda libera. TPK ta un di e 15 partidonan cu ta participa na e eleccion parlamentario di dia 19 di maart proximo.