CDC: Corsou añadi como isla di riesgo hopi halto debi na Covid19

CDC: Corsou añadi como isla di riesgo hopi halto debi na Covid19

Posted on 03/5/2021 9:13 am AST | Updated on 03/5/2021 9:20 am AST

MIAMI - The Centers for Disease Control and Prevention (CDC) a añadi Antigua, Barbuda y Corsou e siman aki riba e lista di riesgo halto pa Covid19, y cu biaheronan Mericano tin cu evita. E nivel ta 4 cu ta ‘hopi halto’. E raportahe ta bisa cu islanan manera St Lucia y Aruba ta riba e lista caba (Aruba for di 2 di februari ultimo). Sinembargo, informacion for di Consulado Mericano na Corsou lo a indica cu e informacion aki no ta completemente corecto ya cu pa algun luna caba Corsou ta riba e lista. Sinembargo e lista ta bisa claramente cu ta for di 1 di maart, a ‘update’ e lista aki. Fuera di Aruba y Corsou, tin mas di 150 pais cu Merca a label como risico grandi, incluyendo Merca mes. 

  • Na Corsou a prolonga tur medida contra Covid19 cu dos siman

    Na Corsou a prolonga tur medida contra Covid19 cu dos siman

    WILLEMSTAD – Tur medida di precaucion na Corsou relaciona cu Covid19 a keda prolonga diahuebs cu 2 siman te 30 di April proximo. Esaki ta inclui e Toque de Queda di 7’or di anochi te 4’or y mei di marduga y e plachi di dia. Mientras cu e cifranan di casonan activo ta bahando, e cantidad di morto ta alarmante y asina tambe e cantidad halto di casonan activo. Pues e situacion di un banda ta mustra di ta drechando, pero cierto cifra ta mucho halto ainda. Tin cu tene cuenta cu despues di un periodo cu e persona keda contagia, ta despues e por empeora y keda hospitalisa. Y e cifra ey ta halto ainda. Como tal a opta pa mantene tur medida pa un tempo ainda. Ta notable con fuerte e control di plachi di dia ta, unda cu te hasta marina Hulandes ta asistiendo cu e asina yama 'blokeo di caminda' (roadblocks) pa controla si automobilistanan enberdad ta cumpliendo cu e reglanan vigente. 

  • Den un fin di siman na Corsou, 14 persona a muri di Covid19

    Den un fin di siman na Corsou, 14 persona a muri di Covid19

    WILLEMSTAD – Den apenas un fin di siman, e fin di siman Santa, Corsou a raporta no menos cu 14 morto consecuencia di Covid19. Ta trata di 4 riba diabierna santo, 2 diasabra santo y 4 riba diadomingo y dialuna di Pasco di Resureccion. E situacion aki ta uno alarmante y ta consecuencia directo di e variante Britanico cu ta pone cu e virus ta plamando na un forma hopi alarmante mes. A mustra cu cada 15 minuut hospital CMC ta ricibi un ambulance cu pashent di Covid19. Corsou a surpasa 4000 caso activo y tin ya caba 52 morto. Potretnan cortesia Dick Drayer. 

  • Corsou a raporta 506 caso positivo di Covid19 riba un solo dia awe

    Corsou a raporta 506 caso positivo di Covid19 riba un solo dia awe

    WILLEMSTAD – Na Corsou, Gobierno a hala e orario di Toque de Queda di 9’or di anochi pa 7’or di anochi entrante 2 di April proximo. Y tur negoshi, incluyendo restaurant, por ta habri solamente te 6’or di anochi. E motibo segun prome minister Eugene Rhuggenaath ta cu hospital ta completamente yen y nan a yega nan maximo. E mandatario a haci un yamada dramatico pa scucha y cumpli cu e reglanan. Cu e cifra record a yega 506 caso nobo y 2 morto diaranson, e medidanan tabata necesario. Premier Rhuggenaath a bisa cu e lo no basila pa re introduci un lockdown completo. 

  • Corsou a raporta cantidad record di 409 caso positivo riba un dia pa Covid19

    Corsou a raporta cantidad record di 409 caso positivo riba un dia pa Covid19

    WILLEMSTAD – Corsou diabierna a sorprende tur hende ora cu a raporta no menos cu 409 caso positivo nobo di Covid19 riba un solo dia. Cu esey mesora nan a surpasa 2000 caso positivo activo ( 2021) y 56 persona hospitalisa. E ta e cifra mas grandi di tur isla di Caribe Hulandes desde cu e pandemia a yega nos islanan un aña pasa. Aruba tabatin e record aña pasa cu riba 171 caso riba un solo dia. E aña aki Corsou mes a kibra esaki cu 250 caso, sigui pa 225, y ora cu a kere cu ta bay reduci esaki, awe diabierna e sla grandi mes a bin cu 409 caso. Corsou ta den un lockdown parcial, unda cu tin TdQ for di 9pm, plachi di dia (cierto auto so por core riba e dia ey) y algun medida mas. 

  • Acuerdo: Partido MFK ta haya 6 minister y PNP ta haya 3 minister den gabinete Pisas

    Acuerdo: Partido MFK ta haya 6 minister y PNP ta haya 3 minister den gabinete Pisas

    WILLEMSTAD – Partido Movimento Futuro Korsou (MFK) y PNP (Nacional) a firma un acuerdo diahuebs atardi, repartiendo e carteranan di e proximo gabinete. Den esaki, a dicidi cu MFK siendo e partido cu a haya mas voto y asient (9), ta haya mas minister (6) y Nacional cu a haya 4 asiento, ta haya 3 minister. A opta pa negosha esaki prome y sigui despues riba e temanan, mirando cu semper e problema ta bira na final ora cu bay reparti e carteranan. 

  • Partido UKPK kier hiba KSE corte pa iregularidad cu voto y stembiljet

    Partido UKPK kier hiba KSE corte pa iregularidad cu voto y stembiljet

    WILLEMSTAD – Tur cos ta mustra den direccion cu lo tin un caso den corte pa conteo di voto pa e ultimo eleccion Parlamentario di Corsou. Prome instante tabatin e caso di reconteo di voto, cu lo a tuma lugar diaranson na Corsou pa Konseho Supremo Electoral (KSE). Pero cos no a keda ey, y e lider di e partido Un Kambio Pa Korsou kier bay corte y asina declara e eleccion, votonan otorga, como nulo. Esaki pasobra varios articulo di e kiesverordening lo a wordo viola. Entre nan cu lo a permiti dos diferente stembiljet, uno na color y uno blanco y preto di wordo usa. Un di e motibonan pa e accion aki di e lider Raichel St Jacoba ta pasobra e tabata falta apenas 100 voto pa e logra un asiento. E partido a logra 3962 voto y pa 100 voto mas e lo a logra e asiento, cu tabata poni na 4040. 

  • Powered by SETAR