Durante inval marduga, a encontra uniformnan di polis

SAN NICOLAS -- Awe mainta team di recherche di San Nicolas (DAR3) conhuntamente cu diferente team di Cuerpo Policial a haci un entrada hudicial na diferente casnan entre otro Caya Butishi, Mabon y Boroncana.

Na e adresnan e team di recherche a detene den total 5 persona pa menasa.

Na e dicho casnan a confisca entre otro droga y uniformnan di polis.

Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.Nota: e potret ta simplemente un muestra di uniform di polis pero no necesariamente esunan encontra durante e entrada hudicial en cuestion.