Encuesta: Resistencia contra vacuna pa Covid19 a disminui

Encuesta: Resistencia contra vacuna pa Covid19 a disminui

Posted on 03/4/2021 10:42 am AST | Updated on 03/4/2021 3:22 pm AST

ORANJESTAD – Segun e ultimo encuesta di noticiacla riba vacunacion contra Covid19, e resistencia entre esnan encuesta a disminui. Anteriormente tabatin un division casi di 50%, pero awor esaki a bira menos. Mientrastanto e proceso di vacunacion a cuminsa, mester bisa si cu entre esnan cu a participa na e encuesta,  mayoria a indica cu nan no a vacuna, pero ‘solamente’ 31% a bisa cu nan no kier tuma e vacuna at all. Esey ta un diferencia pues positivo. Pero atrobe, e encuesta no ta uno scientifico representativo, pero si ta duna un bista di kico ta biba eyfo. Un total di 501 persona a participa (e cantidad minimo pa e encuesta por tin un tipo di validez ta 500 persona). 

MAYORIA CU A TUME TA CONTENTO

Mayoria di esnan cu a participa na e encuesta recien di noticiacla riba vacuna contra Covid19 y cu a ricibi nan vacuna (37%), ta contento con esaki a bay. Pero mayoria di esnan cu a participa na e vacuna (63%) , ainda no a ricibi e vacuna y e motibo principal ta (57%) cu nan a registra si pero no a ricibi cita ainda. Un otro grupo cu a participa (31%) a mustra cu nan no kier e vacuna, y un grupo mas chikito ainda (22%) a informa cu no a dicidi ainda pa tuma e vacuna. 

 

ESNAN CU A TUMA E VACUNA

Entre esnan cu a tuma e vacuna caba (37%), 85% a haya e experiencia ‘hopi bon’, mientras 11% a haye ok, mientras cu 2% a bisa cu e tabata por miho. E ultimo grupo (1.5%) a bisa cu nan a haya e experiencia slow.

 

 

ESNAN CU NO A TUMA E VACUNA

Manera informa caba, mayoria di esnan cu a participa (63%), no a ricibi e vacuna ainda y e motibonan tabata varia for di no kier e vacuna, no a haya cita ainda, pa no sa sigur ainda. Pa esnan cu no kier tuma e vacuna, 31% a bisa cu nan ta contra, 21% a bisa cu nan tin miedo di e efecto secundario, y 17% ta sinti cu e no ta efectivo. Pa esnan cu no a dicidi ainda si nan kier e vacuna, 44% a bisa cu nan kier laga mas hende tume prome cu nan tume, y 40% a bisa cu nan no ta convenci cu e vacuna lo ta efectivo. 

Den e siguiente relato lo tin e ‘breakdown’ pa loke ta e reparticion segun edad y districto pa loke ta e contestanan. 

 

 

  • Casonan positivo ta bahando pero positivity rate ta hopi halto

     Casonan positivo ta bahando pero positivity rate ta hopi halto

    ORANJESTAD - Segun resumen di awe  , a registra un total di 21 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 460 test. 'Postivity rate' entre nos residentenan ta 37% y 81 persona a recupera.

  • Minister demisionario di Corsou personalmente a gradici Aruba pa ayudo

    Minister demisionario di Corsou personalmente a gradici Aruba pa ayudo

    ORANJESTAD – Manera ta conoci, Aruba a habri porta pa yuda Corsou cu e fluho di pashentnan di Covid19 debi na e situacion cu a surgi na e isla ruman cu un cantidad explosive di pashent. Diabierna Hospital a ser sorprendi pa Minister demisionario di Enseñansa, Cultura, Ciencia y Cultura di nos isla ruman Corsou, esta Minister Steven Croes. E ta actualmente di bishita na Aruba pa motibonan personal y tabata desea di pasa y gradici personalmente Dr. Horacio E. Oduber Hospital y specialmente e personal cu ta trahando incansablemente pa asina brinda un man na pashent di Covid-19 di Corsou. E ayudo aki di Aruba na islanan ruman den reino Hulandes a demonstra cu trahando hunto pa bienestar di pashent, crece so nos lo sigui crece riba diferente nivel. 

  • Cruz Cora Aruba ta stop cu e programa di ayudo di cuminda

    Cruz Cora Aruba ta stop cu e programa di ayudo di cuminda

    ORANJESTAD ? Despues di mas cu 12 luna yudando cu e programa di cuminda na esnan mas vulnerabel den nos comunidad, Cruz Cora Aruba ta preparando pa e final di e programa. For di mei 2020, Cruz Cora a coordina e programa aki na momento cu a wak e necesidad grandi cu a surgi durante e pandemia. 

  • WEB y ELMAR ta anuncia ‘posibel’ interupcionnan cortico di coriente proximamente

    WEB y ELMAR ta anuncia ‘posibel’ interupcionnan cortico di coriente proximamente

    ORANJESTAD –  Operacion di e planta di energia di WEB Aruba te ainda pa gran parti ta rekeri monitoreo y ahuste continuo den forma manual door di operadornan. Pronto lo trece cambio den esaki cu un sistema cu yama ‘Intelligent Generation Management System’ (IGMS). Durante e proximo 4 simannan, WEB lo integra tur su unidadnan di produccion di coriente y energia den e sistema IGMS. Di e forma aki lo regula e suministro di coriente automaticamente. Durante e proceso, clientenan lo por experencia interupcion di coriente corto cu un average entre 15 pa 30 minuut. Ta tuma tur precaucion debido y ta alinea pa minimalisa e interupcion aki. Hunto cu IGMS lo implementa e sistema Intelligent Load Shedding (ILS) den cooperacion cu ELMAR. E ‘load shedding’ ta pa evita cualke interupcion grandi di coriente. Asina clientenan den futuro lo por ripara interupcion na un escala menos grandi y di poco duracion. Lo mantene pueblo semanalmente informa di e proceso di implementacion via pagina di Facebook di WEB y di ELMAR. 

  • SKOA ta refuta acusacionnan infunda di Minister Rudy Lampe

    SKOA ta refuta acusacionnan infunda di Minister Rudy Lampe

    ORANJESTAD – Stichting Katholiek Onderwijs Aruba (SKOA) SKOA ta refuta acusacionnan infunda di Minister Rudy Lampe. Asina e fundacion a bisa dialuna den un conferencia di prensa. Su director Anuesca Baly a refuta energicamente e acusacionnan cu nan ta considera sin base cu minister demisionario di Enseñansa Rudy Lampe a haci den conferencia di su partido dia 6 y 13 di april ultimo. Na e ocacion ey segun SKOA, minister Lampe a acusa SKOA di ta comete actonan ilegal den maneho di personal, di inhabilidad pa cumpli cu debernan di afdracht y di a instiga maestronan di scol pa demonstra contra e mandatario.

  • Crisis Team: Aruba preparando pa tene un vacunathon

    Crisis Team: Aruba preparando pa tene un vacunathon

    ORANJESTAD – Dentro di poco dia, Aruba lo tene su prome vacunathon. E meta ta pa den dos dia, logra vacuna 10 mil persona contra Covid19.  Diabierna dia 16 di april, Aruba a ricibi bishita di un delegacio di Hulanda esta e gezant vaccinatie y e beveiligingscoordinator cu a bin Aruba pa tuma nota di e proseso completo di e programma di vacunacion na Aruba. 

  • Powered by SETAR