American Airlines y aeropuerto a celebra nan 50 aña bulando pa Aruba

ORANJESTAD – Manera cu e portal aki a raporta anteriormente, awe 50 aña pasa Maart 3, 1971 American Airlines a inicia su prome buelo pa Aruba for di New York via Puerto Rico y  Aeropuerto Internacional Reina Beatrix (AUA Airport).

“Mirando bek riba nos historia, nos ta orguyoso pa mira con leu nos a jega. Nos ta celebrando e exito aki hunto cu AUA Airport y nos staff paso nan ta esunnan cu ta hasi e compania locual e ta awe”, asina Country Manager di Aruba, Bonaire y Curacao Nelson Cortes a bisa. “American Airlines lo sigui focus riba satisfaccion di su pasaheronan y ta sigui opera cu positivismo pa futuro”. 

AUA Airport su Air Service Development Manager, Jo-Anne Meaux-Arends a duna e team na Aruba pabien y a expresa AUA Airport su gratitud na American Airlines como un partner valioso cu a crece AUA Airport su network internacional y como cu aumento di airlift ta crucial pa Aruba su crecimento turistico y exito continuo. “Nos ta contento cu nos a logra e milestone aki y ta premira un futuro hopi exitoso nos dilanti”. 

AUA Airport