ORANJESTAD - Banco Central di Aruba (BCA) recientemente a conclui e encuesta di percepcion di negoshi pa e di cuater trimester di 2020. E encuesta di percepcion di negoshi ta evalua e percepcion economico y confiansa di e negoshinan local, como tambe e impacto continuo causa pa e pandemia di COVID-19 riba condicionnan economico y actividadnan di negoshi.
E asina yama ‘Business Perception Index’, cu ta consisti di e indicenan di condicionnan economico actual y condicionnan economico a corto plaso, a crece cu 2,6 punto di indice te na 95,9 durante e di cuater trimester di 2020. E ‘Business Perception Index’ total ta keda pesimista, a pesar di un mehoracion den confiansa di negoshinan, compara cu e trimestre anterior (Grafiek 1) . E cambio den e confiansa di negoshinan ta debi na un adelanto den e percepcion pa cu condicionnan economico actual y a corto plaso.
Grafiek 1
E indice di condicionnan economico actual a expandea cu 1,1 punto di indice te na 93,4 compara cu 92,3 den e di tercer trimester di 2020. E indice di condicionnan economico a corto plaso a registra un avance di 6,2 punto di indice, esta for di 94,9 den e di tercer trimester di 2020 te na 100,1 den e di cuater trimester di 2020 (Tabel 1). E porcentahe di encuestadornan cu ta premira un crecemento economico negativo den e siguiente 12 lunanan, a nota un caida di 12,4 punto di porcentahe te na 57,8 porciento.
Pa locual ta e impacto causa door di e pandemia di COVID-19, BCA a amplia e encuesta di percepcion di negoshi, pa asina tambe evalua e percepcion riba su impacto ariba benta di negoshinan, necesidad pa aplica pa fondonan di emergencia y e impacto economico.
Mas cu 40 porciento di e negoshinan den e encuesta (44,0 porciento) a indica cu e pandemia di COVID-19 a sigui tin un impacto significante riba e benta di nan negoshi, esta 2,5 punto di porcentahe mas compara cu e di tercer trimester.
E informe completo di e encuesta di percepcion di negoshi ta disponibel riba website di BCA (https://www.cbaruba.org/).
Banco Central di Aruba
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.