Johnson & Johnson a cuminsa transporta su vacuna contra Covid19

NEW YORK – E compania Johnson & Johnson a cuminsa transporta nan vacuna contra Covid19 dialuna mainta despues cu den fin di siman nan a haya autorisacion federal di emergencia pa distribui esaki. Ta premira cu na Merca, dentro di dos dia e prome Mericanonan ta premira di lo haya e vacuna tambe. A transporta 4 miyon dosis caba segun e CEO di e compania Alex Gorsky. Ta premira cu pa juni 100 miyon dosis lo por ta distribui y un biyon pa fin di aña. Lo remarkable ta cu contrario na e otro companianan cu ta rekeri pa bo haya 2 dosis, esaki ta suficiente cu un solo dosis. Tambe ta interesante pa sa cu contrario na e otro companianan, e vacuna di Johnson & Johnson por wordo warda djis den Frigidaire y no necesariamente den freezer. Y e ta 66% efectivo, y e ta traha 85%.