Poco interes pa caso di apelacion Magnus awe na Corsou

WILLEMSTAD – No tabatin simpatizantenan di e partido Pueblo Soberano riba Wilhelmina Plein riba e prome dia di e tratamento di apelacion di caso Magnus. E sala special poni pa publico pa por sigui e caso, tambe tabata bashi. Ta parse cu e sentencia di e tirado aña pasa augustus, e interes tambe a baha.

PRENSA INTERNACIONAL

Prensa internacional tambe no tabatey, y e stulnan poni pa prensa a keda bashi. “Tur hende ta cansa di e caso aki” periodista Yves Cooper a bisa. :”Tur hende ta wardando riba e caso Maximus, tur hende kier sa ken a paga pa e asesinato”. No ta sigur ainda ki dia e caso Magnus lo presenta, cu ta un desapunto tambe pa e ruman Aubert Wiels. “Manera cos ta parse, nos tin cu warda 21 luna mas. Si nada sosode, e lo por bira un problema si”.

PROME DIA

Riba e prome mainta di e caso di apelacion, Carlos Pieter a aparece dilanti tres hues. Anteriormente e la wordo declara liber, ya cu su complicidad na e caso no por a keda proba. Ministerio Publico a dicidi di apela esaki. Riba e di dos dia di e caso (mayan), abogado general Ton van der Schans lo tene su requisitorio riba Pieter, y tambe Dangelo Damascus. E tambe, cu gran desapunto pa OM, a wordo declara liber pa complicidad riba e asesinato di e politico Wiels.

MONSTER

Aubert Wiels ta anticipa e caso di mayan, ora cu e tirado Elvis ‘Monster’ Kuwas lo presenta atrobe den corte. E ta bringando su castigo di bida largo. “Mi ta spera cu e lo haya un tipo di iluminacion, y conta kico a sosode. Mi tin paz, pasobra mi ta kere cu e lo bay papia”.

For di Caribisch Netwerk. Raportahe di Anneke Polak. Foto di archivo di CN cortesia Jean Menten unda cu ruman di Helmin Wiels, Aubert Wiels ta hiba palabra despues di e tratamento di e caso inicial na augustus 2014.