- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Corsou a haya AMvRB pa mal comportacion di 10 parlamentario
WILLEMSTAD /DEN HAAG – Gobierno di Reino Hulandes diabierna a impone un medida di alta supervision (Algemene Maatregel van Rijks Bestuur) pa gobernador (lesa:Corsou) debi cu 10 parlamentario tabata desobediente y a frena e operacion di esaki pa dos luna. Awe mainta presidente di Parlamento di Corsou Ana Maria Pauletta a confirma e informacion aki durante e programa radial cu periodista Mariano Heyden, indicando cu e ta un berguensa cu esaki mester sosode aworaki, siendo cu tin yen di cos importante sosodiendo.
MAL COMPORTACION
Riba peticion di gobierno di Corsou mes, gobierno di Reino a bay di acuerdo cu e aanwijzing (medida) aki, cu ta nifica cu gobernador di Corsou awor por nombra e parlamentario ‘nobo’ di Corsou, sin cu e tin cu haya aprobacion di Parlamento. For di 14 di januari ultimo, oposicion completo (10 parlamentario) no a presenta na reunionan, trancando asina e operacion ya cu no por a forma quorum. Y segun sra Pauletta, no ta solamente reunion pa aproba credencialnan di un parlamentario nobo, sino tabatin otro tipo di reunion unda cu tampoco oposicion a presenta. Segun oposicion, nan no ta haya cu aworaki ta tempo pa bin cu un parlamentario nobo, cu lo haya tur beneficio, cu ta traduci den mas gasto pa Corsou, siendo cu ta den ultimo tanda di gobernacion prome cu e eleccion dia 19 di maart proximo. Aki Pauleta a recorda cu tin varios di nan cu ta den oposicion mes, (entre otro sra Marilyn Moses) cu a drenta y bay y a keda apenas algun dia como parlamentario y toch a haya tur beneficio. Segun Pauletta, si bo sinta un dia mes so como parlamentario, bo ta bin na remarke pa un asina yama ‘overbruggingstoelage’.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Follow NoticiaCla
