DVG: Casi 20 mil hende a registra pa vacuna y casi 3 mil a ricibie caba

ORANJESTAD - Casi 20 mil hende a registra pa vacuna y mas di 2 mil a ricibi’e caba. Asina por compronde di e comunicado di Departamento di Salud (DVG) diahuebs. Desde dia 17 di februari 2021 cu a start cu e prome vacunacionnan te cu ayera nochi dia 24 di februari un total di 18.822 persona a registra pa por ricibi nan vacuna di cual 8022 ta 60+. Un total di 2935 vacuna a wordo aplica caba di cual 1115 ta dunadornan di cuido y 1820 cuidadanonan riba 60 aña.

60+’s 

Na e momento aki ta sigui vacuna nos adulto mayor di 60+ como esnan mas na risco di desaroya complicacion grave y asta fayece pa motibo di COVID-19. DVG a haci un yamado na nos aduto mayor di 60+ pa registra pa por ricibi nan vacuna contra COVID-19. Na e momento aki e adulto mayor 60+ tin prioridad. No laga e oportunidad pasa pa despues mester pasa dificultad pa haya vacuna. Ta recomenda miembronan di famia pa ofrece yuda es cu tin 60+ pa nan por vacuna. Haci esaki door di registra pa nan riba bo propio app y keda pendiente pa nan cita of yudanan yega un edificio di MFA unda lo tin personal pa atende tur persona cu mester ayudo. Tur loke mester ta carnet di AZV of un paspoort si bota biba na Aruba pero no tin AZV.

 .