Casonan di hospitalisacion pa Covid19 a subi di 8 te 25 den 5 dia

ORANJESTAD – E casonan di hospitalisacion pa Covid19 a conoce un aumento grandi atrobe den apenas 5 dia di tempo. Den apenas 5 dia, e cantidad di hende hospitalisa pa Covid19 a subi di 8 te na 25 segun e ultimo conteo di awe. Esaki ta un aumento basta halto (17) , y esaki ta e cifra mas importante cu Crisis Team ta mira pa dicidi riba nan siguiente accionan pa cu medida. Segun e cifranan actual tin 7 hende den cuido intensivo (esaki tabata 4 pa basta dia) y 18 den cuido regular ( e tabata apenas 4, 4 dia pasa esta 19 di februari 2021). Mester corda cu hunto cu e casonan di cuido intensivo, tin hopi morto ultimo tempo, unda cu esey ta pone e cifra di cuido intensivo tambe baha. E portal aki a compronde cu tabatin un grupo di persona den cuido intensivo, cu a mustra cu nan situacion no ta nada bon y cu ta teme cu nan lo sali di esey.

MORTO

Pa loke ta morto, esaki tambe tabata preoccupante, unda cu den 23 dia di februari, tabatin 12 morto di cual 6 den tres dia di tempo, y 3 den 5 dia, pues casi 1 morto cada pasa dia. Tabatin 4 dia cu tabatin 2 morto pa dia, y 4 dia cu tabatin 1 cada uno.